Gore rapfuura ndaive pasi chaizvo. Nhasi ndiri nani.

Handisi kunyora ndichiti ndakapora. Ndiri kunyora ndichiti zvinochinja.

Gore rakapera ndakange ndisisabude mumba. Ndakarasikirwa nebasa muna February, relationship yangu yakapera muna May, uye ndakatanga kunwa doro zvakanyanya. Ndaimuka na2pm. Ndaisapindura mafoni.

Chinhu chakandibatsira chaive chidiki chaizvo: shamwari yangu yakaramba ichifona. Handaipindura. Yairamba ichifona. Kwemwedzi mitatu.

Rimwe zuva ndakapindura, handizivi kuti sei.

Yakandiendesa ku counsellor kuHarare — sliding scale, ndaibhadhara $10 pa session. Dzimwe nguva ndaisakwanisa kubhadhara uye vaindibvumira kuuya zvakadaro.

Zvakatora mwedzi misere ndisati ndanzwa musiyano. Handisi perfect. Ndine mazuva akaipa. Nezuro raive rakaipa.

Asi nhasi ndakamuka na7. Ndakabika. Ndakashanda. Ndakafona amai. Izvozvo hazvisi zvishoma.

Kana uchiverenga izvi uri pasi: fonera munhu. Kana usingakwanisi kutaura, verenga zvakanyorwa nevamwe pano. Hausi wega mune izvi. Ndinozviziva nekuti ndakange ndiripo.